Ҳисоб палатасида жорий йилнинг 29 январь куни Ўзбекистон Республикаси Президентининг 2025 йил 18 ноябрдаги Ф-59-сонли фармойишда белгиланган топшириқлар ижроси доирасида стратегик йирик давлат корхоналарида “бизнес-режа” ва таннархни пасайтиришни мониторинг қилиш юзасидан ўқув-амалий вебинар ташкил этилди.

Вебинарда 20 та стратегик йирик давлат корхоналарнинг 100 нафар ички аудит, молия-иқтисод, бухгалтерия тузилмалари раҳбар ва ходимлари иштирок этди.

Иштирокчиларга Ҳисоб палатасида янги жорий этилган “FINCONTROL” электрон ахборот тизимидан фойдаланиш, шунингдек мониторинг жадвалларини тўлдириш тартиби бўйича батафсил тушунтиришлар берилди.

Тадбир интерактив форматда ўтиб, асосий эътибор рақамлаштириш жараёнида юзага келаётган техник ва ташкилий масалаларга қаратилди.

Ҳисоб палатаси томонидан билдирилган фикр-мулоҳазалар инобатга олиниб, корхоналарга аниқ амалий тавсия ва йўл-йўриқлар берилди.