Ушбу мукофот А. Солиевнинг кўп йиллик самарали меҳнат фаолияти, юқори профессионал билим ва тажрибаси, шунингдек, қишлоқ хўжалиги соҳасини ривожлантириш, шу йўналишда амалга оширилаётган ислоҳотларни изчил қўллаб-қувватлаш борасидаги муносиб ҳиссасининг эътирофидир.

Хусусан, қишлоқ хўжалигини давлат томонидан қўллаб-қувватлаш жамғармаси маблағлари ҳисобидан пахта ва ғалла етиштириш жараёнлари учун ажратилган минерал ўғитлар бўйича маблағларнинг мақсадли ва манзилли ўзлаштирилишини таъминлаш, фермер ва деҳқон хўжаликларига зарур ресурсларнинг ўз вақтида етказиб берилиши устидан самарали назоратни амалга ошириш борасида салмоқли натижаларга эришилди.

Шунингдек, республика миқёсида пахта ва ғалла ҳосили режаларининг муваффақиятли бажарилишида, соҳада вазирлик ва идоралар ўртасида ҳамкорликни мустаҳкамлашда А. Солиевнинг муносиб ҳиссасини алоҳида таъкидлаш зарур.

Ўзбекистон Республикаси Ҳисоб палатаси жамоаси Анваржон Солиевни ушбу мукофот ва эътироф билан самимий қутлайди. Унинг масъулиятли фаолиятида янги ютуқлар, юртимиз қишлоқ хўжалиги ва давлат молиявий назорати тизимини янада ривожлантириш йўлидаги ишларида катта муваффақиятлар тилайди.

Ўзбекистон Республикаси Ҳисоб палатаси жамоаси