Маълумот учун: Жорий йилнинг январь-апрель ойларида 1 770 минг нафар аҳолининг бандлиги таъминланган.

Ўрганишда аҳоли бандлигини таъминлаш бўйича олиб борилган ишлар Дастурлар доирасида кредитларни ажратилиши ва улардан самарали фойдаланишда айрим камчиликларга йўл қўйилганлиги аниқланди. 

Масалан:

– инвестиция лойиҳаларини ишга тушириш ҳисобига аҳолини бандлигини таъминлаш кўрсаткичи 70 фоизга ижро қилинган;

– Инвестиция лойиҳаларини ишга тушириш ҳисобига аҳолини бандлигини таъминлаш бўйича режа кўрсаткичи Тошкент вилояти ва Тошкент шаҳридан ташқари бирорта ҳудудда бажарилмаган;

– “yangiish.mehnat.uz” электрон платформасига фуқароларнинг бандлиги таъминланганлиги хақида маълумотлар такроран киритилган;

– бандлиги таъминланган деб киритилган айрим фуқароларга ўрганиш даврида иш ҳақи ҳисобланмаган;

– доимий иш билан таъминланган айрим фуқароларга меҳнатга ҳақ тўлашнинг энг кам миқдоридан паст иш ҳақи тўланган;

– доимий ишга жойлаштирилган деб кўрсатилган фуқароларнинг 5 фоизи ўрганиш кунида иш билан банд эмас;

– Осиё тараққиёт банки билан ҳамкорликда амалга оширилаётган “Молиявий оммабоплик” дастури доирасида режа кўрсаткичлари ҳудудлар кесимида Андижон, Фарғона, Тошкент вилоятлари ва Тошкент шаҳрида, банклар кесимида Ўзсаноатқурилишбанк, Миллий банк ва Халқ банки томонидан ижроси таъминланмаган. 

Ўрганиш натижаларидан келиб чиқиб, аҳоли бандлигини таъминлашда банклар фаолияти самарадорлигини янада самарали ташкил этиш юзасидан Ҳисоб палатасининг тегишли тавсиялари тақдим қилинди.