Ҳисоб палатасида ОТБнинг Ўзбекистон бўйича операцион фаолият раҳбари М. Ғуломов бошчилигидаги экспертлар гуруҳи билан учрашув бўлиб ўтди.

Унда томонлар Ўзбекистонда давлат молиявий назорат тизимини такомиллаштириш доирасида ўзаро ҳамқорлик алоқаларини ривожлантриши юзасидан муҳокамалар ўтказди.

Учрашувда Ҳисоб палатаси раисининг биринчи ўринбосари М. Абдуллаев ушбу идорадаги трансформацион жараёнлар ҳамда истиқболдаги режалар юзасидан маълумот берди. Аввалги молиявий текширишлардан илғор халқаро стандартлар асосида аудит ўтказишга ўтилгани таъкидланди. Ҳисоб палатаси ҳозирда профессионал хулоса берувчи ташкилотга айланди.

Халқаро тажриба асосида аудитнинг самарадорлик, мувофиқлик, молиявий, стратегик ва IT стандартлари ҳамда уларни ўтказиш қўлланмалари ишлаб чиқилиб, 35 та идоравий ва норматив-ҳуқуқий ҳужжатлар қабул қилинди.

Қолаверса, куни кеча Ҳисоб палатаси ОТБ билан ҳамкорликда мамлакатимизда амалга оширилаётган муҳим лойиҳалардан бирини “пилот” тажриба тариқасида аудитан ўтказди.

Учрашув якунида давлат молиявий назорат тизимини такомиллаштириш, жумладан, ташқи аудит жараёнини рақамлаштириш ҳамда кадрлар салоҳиятини ошириш юзасидан ОТБ ва Ҳисоб палатаси ўртасидаги ўзаро ҳамкорликни янада мустаҳкамланишига келишилди.