Мадҳиямизда мужассам бўлган юксак ғоя ва қадриятлар — Она Ватанга садоқат, миллий бирлик, фидойилик ва эзгу мақсадларга интилиш руҳи бизга улуғвор куч бағишлайди.

У нафақат давлатимиз мустақиллигининг тимсоли, балки халқимизнинг шарафли тарихи ва буюк келажакка бўлган қатъий ишончининг ифодасидир.

Бугунги кунда юртимизда амалга оширилаётган кенг кўламли ислоҳотлар, тараққиёт сари дадил қадамларимиз айнан шу Мадҳиямизда жаранглаган руҳ ва ғурурдан куч олади.

Биз, Ҳисоб палатаси жамоаси, давлатимиз ривожи, халқимиз фаровонлигига хизмат қилишда айнан шу улуғвор мақсадларга содиқ қоламиз.

Ушбу қутлуғ сана ҳар бир юртдошимиз қалбида Ватанга муҳаббат, мустақиллигимизни асраб-авайлаш, элимиз равнақи йўлида масъулият билан хизмат қилиш туйғуларини янада мустаҳкамласин.

Ватанимиз тинч, байроғимиз баланд, Мадҳиямиз жаранги доимо улуғ бўлсин!

Ҳурмат билан,

Ўзбекистон Республикаси Ҳисоб палатаси жамоаси