Ташрифдан кўзланган мақсад – икки давлат Олий аудит органлари ўртасидаги ўзаро муносабатларни мустаҳкамлаш ҳамда ташқи аудит соҳасида тажриба алмашиш.

Учрашув давомида икки томон вакиллари мақсадли мавзуларда тақдимотлар ўтказди. Тақдимотларда долзарб бўлган аудитнинг тематик йўналишларига эътибор қаратилди. Хусусан, фаолиятни рақамлаштириш, риск таҳлилларда сунъий интеллектни қўлланиши, аудит методологияларини такомиллаштириш, халқаро аудит стандартларини жорий қилиш бўйича фикр алмашилди.

Шу билан бирга, Латвия Республикаси Давлат аудит идораси билан ҳамкорлик алоқаларини мустаҳкамлашга қаратилган томонлар ўртасида Меморандум имзоланди.

Ушбу Меморандум доирасида икки мамлакат Олий аудит органлари ўртасидаги ўзаро манфаатли ҳамкорликни ривожлантириш, ташқи аудит методологиялари, ахборот технологиялари ва инновацион ечимлар соҳасида тажриба алмашиш, шунингдек, кадрлар салоҳиятини ошириш ва касбий ривожланишни рағбатлантириш бўйича келишувлар назарда тутилган.