Ушбу семинарда давлат қарзи ҳолати ва тенденцияси, халқаро молия институтлари ва хорижий ҳукумат молия ташкилотлари иштирокида амалга оширилаётган инвестиция лойиҳаларни шакллантириш ва жадаллаштириш ҳамда ҳисобдорлик шаффофлигини таъминлаш масалалари бўйича фикр алмашилди.

Хусусан, Ўзбекистон Республикаси Президентининг 2025 йил 11 февралдаги “Халқаро молия институтлари ва хорижий ҳукумат молия ташкилотлари иштирокидаги лойиҳаларни тайёрлаш ва амалга ошириш механизмларини такомиллаштиришга доир қўшимча чора-тадбирлар тўғрисида”ги ПҚ-51-сонли қарори билан жорий этилган янги қулайликларга эътибор қаратилди.

Шу билан бирга, семинарда Ҳисоб палатаси, Иқтисодиёт ва молия вазирлиги, Инвестициялар, саноат ва савдо вазирлиги ҳамда Миллий статистика қўмитаси масъуллари томонидан семинар мавзусига доир тақдимотлар амалга оширилди.

Семинар давомида иштирокчиларни қизиқтириган масалалар бўйича атрофлича тушунтиришлар берилди.

Халқаро молия институтлари иштирокида амалга оширилаётган лойиҳаларнинг самарадорлигига эътибор қаратиш, қарз маблағлардан оқилона фойдаланиш юзасидан тавсиялар берилди.

Семинар якунида Ҳисоб палатаси ва иштирок этган бошқа вазирликлар ўртасида муҳим лойиҳаларни жадаллаштириш бўйича маслаҳатлашув учрашувларини ўтказишга келишилди.