Давлат Раҳбари ҳузурида 2020 йил 16 октябрь куни “Озиқ-овқат хавфсизлигини таъминлаш ва ички бозорда нарх-наво барқарорлигини сақлаш чора-тадбирлари тўғрисида” ўтказилган видеоселектор йиғилишида (81-сон баён) ҳудудларда Аҳолини асосий турдаги озиқ-овқат маҳсулотлари билан таъминлаш захира жамғармаларини  ташкил этиш белгиланган.

Ўрганишда айрим ҳудудларда Жамғарма фаолияти етарли ташкил этилмаганлиги, келгусида Жамғармага маблағлар жалб қилиш орқали нарх барқарорлигини таъминлаш зарурлиги кўрсатиб ўтилди.

Шунингдек, Жамғарма ажратилган маблағларидан самарали фойдаланиш, тадбиркорларга тижорат банклари орқали имтиёзли кредитлар асосида  маблағлар ажратилиши ҳамда ажратилган ресурсларни белгиланган муддатларда қайтарилишини таъминлаш бўйича тегишли чора-тадбирлар ишлаб чиқилди.

Жумладан:

– Наманган, Сурхондарё вилоятлари ва Тошкент шаҳар ҳокимликлари озиқ-овқат хавфсизлигини таъминлаш, бозордаги шарт-шароитлар ҳамда нарх-навони барқарор сақлаш мақсадида Жамғарма фаолияти жадаллаштириш;

– Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари тижорат банклари билан биргаликда тадбиркорлик субъектларига озиқ-овқат маҳсулотлари хавфсизлиги ва нарх барқарорлигини таъминлаш бўйича доимий мониторинг тизимини йўлга қўйиш ва тезкор чоралар кўриб бориш юзасидан кўрсатмалар берилди.