Сув хўжалиги вазирлигида Давлатимиз Раҳбарининг топшириғига асосан амалга оширилаётган рақамлаштириш ишлар бўйича муҳокамалар бўлиб ўтди.

Унда Ўзбекистон Республикаси Президенти Администрацияси, Ҳисоб палатаси ва бошқа масъул вазирлик ва идоралар раҳбарияти ва масъул ҳодимлари иштирок этди.

Таъкидланганидек, ҳозирда соҳада жами 11 та долзарб ахборот тизимлари устида иш олиб борилмоқда. Хусусан, булар “Сув ҳисоби”, “Насос станциялари”, “Мелиорация” ва бошқалар.

Қолаверса, вазирлик тизимида бошқарув ва маълумотлар йиғиш жараёнларини осонлаштириш мақсадида “Рақамли сув вазиятлар маркази” ни ташкил этиш бўйича ишлар якунига етказилмоқда.

Муҳокамада тегишли масъулларнинг ҳисоботлари эшитилди. 

Ҳисоб палатаси томонидан ахборот тизимларини ишлаб чиқишдаги муаммолар кўриб чиқилиб, уларнинг ечимлари бўйича кўрсатмалар берилди.