Унда Ҳисоб палатаси, Бош прокуратура, Коррупцияга қарши курашиш агентлиги, Рақобатни ривожлантириш ва истеъмолчилар ҳуқуқларини ҳимоя қилиш қўмитаси, йирик давлат корхоналари ҳамда бошқа вазирлик ва идоралар вакиллари иштирок этди.

Йиғилишда давлат харидларининг ошкоралиги ва самарадорлигини таъминлаш, манфаатлар тўқнашуви ва аффиланганлик ҳолатларининг олдини олиш бўйича амалий чоралар муҳокама қилинди. 

Тадбир давомида давлат буюртмачилари учун янги йўриқномалар ва қоидалар тақдим этилди.

Ҳисоб палатаси томонидан давлат харидларида аниқланган манфаатлар тўқнашуви ва аффиланганлик ҳолатлари бўйича маълумотлар тақдим этилди. 

Шу билан бирга, Ҳисоб палатаси томонидан аниқланган ушбу ҳолатлар давлат харидларидаги айрим камчиликлар ва ноаниқликлар кўрсатилиб, уларни бартараф этиш учун тизимли чоралар кўриш зарурлиги таъкидланди.

Тадбир давомида давлат харидларининг шаффофлигини ошириш, коррупцияга қарши курашишда замонавий технологиялардан фойдаланиш ва жараёнларни такомиллаштириш бўйича фикрлар алмашилди. 

Бу камчиликларнинг такрорланмаслиги учун сунъий интеллект технологияларидан фойдаланилган янги ахборот тизимини ишлаб чиқиш ва жорий этиш бўйича режалар тақдим этилди.