Бу Хитой Бош аудиторининг мамлакатимизга илк ташрифи эди. Ташриф доирасида Ўзбекистон – Хитой Олий аудит органлари ўртасида Ҳамкорлик Меморандуми имзоланган.

Икки идора ўртасида ўзаро тажриба алмашинувларини йўлга қўйиш, аудит жараёнларини рақамлаштириш, сунъий интелект ва бошқа кўплаб муҳим бўлган йўналишларда ҳамкорлик қилишга келишилган.

Ушбу келишувларга мувофиқ 30 июль куни Ўзбекистон – Хитой Олий аудит органлари Ишчи гуруҳининг учрашуви бўлиб ўтди.

Унда икки томонлама муносабатларнинг ҳозирги ҳолати ва истиқболлари муҳокама қилинди. 

Аудит методологияларини ишлаб чиқиш бўйича стандартлар ва қўлланмаларнинг ўзаро алмашинуви, ходимларни малакасини ошириш, ташқи қарз аудити йўналишларида тажриба алмашишга тўхталди.

Ўзбекистон Ҳисоб палатаси делегациясининг Хитойга бўлажак амалий ташрифига тайёргарлик кўриш масалаларига урғу берилди. 

Томонлар эришилган келишувларга мувофиқ ўзаро маслаҳатлашувларини давом эттирадилар.