Жорий йилнинг 7 июль куни Ҳисоб палатасида Спорт вазирлиги раҳбарияти билан учрашув бўлиб ўтди. Учрашув Вазирликда 2025 йилнинг I-ярим йиллигида бюджет ва давлат дастурларининг ижроси ҳамда тизимда назорат ишларини ташкил этилиши масалаларига бағишланди.

Ҳисоб палатаси ташаббуси билан, Вазирликда “Ситуацион марказ” ташкил этилган. Таъкидланганидек, бугунги кунда Вазирлик томонидан 24 та йирик ахборот тизимларини ўз ичига олган “ERP sport” ягона электрон бошқарув тизими ишлаб чиқилиб, тўлиқ жорий этилган.

Шу билан бирга, “Рақамли ҳукумат” тизими идорлараро интеграциялашув платформаси орқали 15 та вазирлик ва идорларнинг ахборот тизимлари интеграция қилинган. 

Учрашувда “Ijro.gov.uz” электрон тизимига киритилган топшириқлар ижро ҳолати ҳам муҳокама қилинди. Топшириқлар ижросини мувофиқлаштириш натижасида Вазирлик ички аудит хизмати томонидан ўтказилган аудит тадбирлари якуни бўйича таҳлиллар тақдим қилинди.

Вазирлик масъуллари томонидан, шунингдек, йўлга қўйилган молиявий назорат механизмлари, бюджет маблағларини самарадорлигини таъминлаш ва рақамлаштириш йўналишида амалга оширилиши режалаштирилган ишлар юзасидан маълумот берилди.

Ҳисоб палатаси томонидан Спорт вазирлиги тизимида бюджет маблағларининг мақсадли ва самарали ишлатилиши устидан мониторинг ва назорат олиб бориш бўйича тавсия ва кўрсатмалар берилди.