Икки томонлама ҳамкорликка 2024 йилда Будапешт шаҳрида асос солинган эди. Ушбу ташриф давомида Ўзбекистон ва Венгрия Олий аудит органлари ўртасида Ҳамкорлик тўғрисида келишув имзоланган эди. Шунингдек, Ўзбекистон ва Венгрия Олий аудит органларининг Маслаҳатлашув кенгаши тузилиб, биринчи маслаҳатлашув учрашувини Самарқанд шаҳрида ўтказишга келишилган эди. Жорий йилнинг 28 март куни Самарқанд шаҳрида ушбу Маслаҳатлашув кенгашининг биринчи учрашуви тантанали бўлиб ўтган. 

Ташриф якунида Ўзбекистон ва Венгрия Олий аудит органлари ўртасида 2025-2027 йилларга мўлжалланган Ҳамкорлик бўйича амалий чора-тадбирлар режаси имзоланган эди.

Ушбу Чора-тадбирлар режаси доирасида 29 июль куни Ўзбекистон – Венгрия Олий аудит органлари Ишчи гуруҳининг навбатдаги учрашуви бўлиб ўтди.

Унда икки томонлама муносабатларнинг ҳозирги ҳолати ва истиқболлари муҳокама қилинди. 

Профессионал ҳужжатлар, хусусан, аудит методологияси ва технологияларини ишлаб чиқиш бўйича стандартлар ва қўлланмаларнинг ўзаро алмашинуви ва онлайн маслаҳатлашувларга тўхталди.

Ўзбекистон – Венгрия Олий аудит органлари Маслаҳатлашув кенгашининг 2026 йилдаги навбатдаги йиғилишига тайёргарлик кўриш масалаларига урғу берилди. 

Шу билан бирга, жорий йилнинг 3-чорагида Венгрия томонидан Марказий бюджет мониторинги ва Олий аудит органининг прогнозлаштириш таҳлилларига бағишланган вебинар ташкил қилиш масаласи кўриб чиқилди.  

Ўзбекистон Ҳисоб палатаси томонидан Олий аудит органининг рақамлаштириш, масофавий мониторинг ва хавфларни баҳолаш соҳасидаги тажрибаси юзасидан Венгрия томони учун вебинар ташкил қилишига келишилди.

Томонлар Чора-тадбирлар режасига мувофиқ ўзаро маслаҳатлашувларини давом эттирадилар.