Семинарни ўтказишдан кўзланган мақсад – давлат аудити соҳасида амалий билим ва тажриба алмашиш, давлат аудитини ривожлантиришда ёш аудиторларнинг ўрнини ошириш.

Ушбу тадбирда 42 давлатдан 80 га яқин вакиллар иштирок этди. Унга Қозоғизстон, Индонезия ва бошқа Осиё мамлакатлари Олий аудит органлари раҳбарлари ҳам ташриф буюрди.

Семинарда, шунингдек, Ўзбекистон Республикаси Ҳисоб палатасининг икки аудитори А. Хасанов ва Ш. Умедиллаев ҳам қатнашди.

Тадбирга Хитой Бош аудитори Хоу Каи раислик қилди.Учрашувларда асосий эътибор аудит амалиёти мустақиллигини мустаҳкамлаш, ҳисобот бериш сифатини ошириш, давлат молиявий назорати миллий тизимларини ривожлантиришда ёш мутахассисларнинг ролини кенгайтириш масалаларига қаратилди.

Халқаро аудит ҳамжамият вакиллари Хитой Миллий аудит идорасининг давлат аудити жараёнлари билан танишди.

Дастур доирасида “Касбий маҳоратни ошириш” ва “Технологик инновацияларни жорий этиш” мавзулари бўйича аудиторлик касбини ривожлантиришга қаратилган замонавий ёндашувлар ўрганилди.

Осиё макони (АЗОСАИ) ёш аудиторларининг профессионал кўникмаларини ривожлантириш, рақамли технологияларни жорий этиш ва аудиторларнинг глобал ёшлар ҳамжамиятини шакллантириш ташаббусларини ўз ичига олган халқаро мурожаати тақдим этилди.

Нанкин аудит университети профессор-ўқитувчилари ва талабалари ҳамда Шанхай шаҳар аудит бошқармаси ёш аудиторлари билан учрашувлар ўтказилди. Бу эса профессионал ва маданиятлараро алоқаларни ўрнатиш имконини берди.

Тадбирлар конструктив руҳда бўлиб ўтди. ШҲТ га аъзо мамлакатлар ёш аудиторлари ўзларининг фаолиятлари учун янги мотивация ва йўналишлар олишга мувафақ бўлди.