Маълумки, Давлат раҳбари томонидан бюджет маблағларининг мақсадли ва самарали ишлатилиши устидан назоратни кучайтириш ва бюджет интизомини мустаҳкамлаш бўйича қатъий топшириқ берилган эди.

Унинг ижросини таъминлаш мақсадида Ҳисоб палатаси, Иқтисодий жиноятларга қарши курашиш департаменти ҳамда Иқтисодиёт ва молия вазирлигининг кўшма қарори имзоланиб, чора-тадбирлар режаси тасдиқланган.

Шунингдек, бюджетдан маблағ олувчи асосий 22 та вазирлик ва идоралар билан ҳам қўшма қарорлар имзоланиб, тегишли чора-тадбирлар қабул қилинган.

Бугунги йиғилишда ушбу йўналишда амалга оширилган ишлар муҳокама қилинди.

Ҳисоб палатаси раиси ўринбосари С. Мирзаев юқорида зикр қилинган чора-тадбирлардаги назорат ишларини ташкил этиш, рақамлаштириш, мақбуллаштириш, ғазначиликда жорий назоратни кучайтириш, харидлар, инвестиция, қурилиш, ташқи қарз ва бошқа йўналишлар бўйича жорий йилдаги вазифалар ижросини янада самарали таъминлаш муҳимлигини таъкидлади.

Учрашув очиқ ва конструктив форматда бўлиб ўтди.

Иштирокчиларга бюджет харажатларининг самарадорлигини ошириш ва молиявий назоратни кучайтириш бўйича янги топшириқлар берилди.