Шу муносабат билан, Ҳисоб палатаси томонидан Назорат инспекцияси ва Адлия вазирлиги билан биргаликда жорий йилнинг 21 май куни вазирлик, идора ва хўжалик бирлашмаларининг ижро интизоми бўлинмаси бошлиқлари учун “Ижро интизомини самарали ташкил этиш, “Ijro.gov.uz” электрон тизимини янада такомиллаштириш борасида амалга оширилаётган ишлар” мавзусида ўқув-амалий семинар ўтказилди. Ҳудудий бўлинмалар раҳбарлари видео-алоқа орқали иштирок этди. 

Унда 100 дан ортиқ масъуллар бевосита ҳамда 500 га яқин вакил видео-алоқа орқали қатнашди.

Ўқув-амалий семинар жонли мулоқат форматида ўтказилди. 

Семинар давомида барча масъуллар билан юзма-юз суҳбат бўлди. 2024 йилда амалга оширилган ишлар, аниқланган тизимли муаммолар ва уларни ҳал этиш бўйича таклифлар муҳокама қилинди. 

Бу борада масъул ижрочиларда юзага келаётган муаммолар ва уларни ҳамжиҳатликда ҳал этиш чоралари белгиланди.

Шунингдек, “Ijro.gov.uz” электрон тизимига сунъий интеллект имкониятларини жорий этиш, 10 га яқин давлат органларининг ахборот тизимларини интеграция қилиш ҳамда тизимни тўлиқ модернизация қилиш бўйича ишлар олиб борилаётганлиги таъкидланди.