Ўзбекистон Республикаси Ҳисоб палатасининг 2018 йил учун Давлат бюджети ва давлат мақсадли жамғармалари бюджетлари, шунингдек солиқ ва бюджет сиёсатининг асосий йўналишлари лойиҳалари юзасидан ХУЛОСАСИ

Ўзбекистон Республикаси Ҳисоб палатасининг (кейинги ўринларда – Ҳисоб палатаси) 2018 йил учун Давлат бюджети ва давлат мақсадли жамғармалари бюджетлари, шунингдек солиқ ва бюджет сиёсатининг асосий йўналишлари лойиҳалари юзасидан хулосаси Ўзбекистон Республикаси Бюджет кодексининг 96-моддаси ҳамда Ўзбекистон Республикаси Президентининг 2017 йил 10 августдаги “Ўзбекистон Республикаси Ҳисоб палатаси фаолиятини тубдан такомиллаштириш чора-тадбирлари тўғрисида” ПФ-5147-сонли Фармонига асосан тайёрланди.​

Хулоса тайёрланишида Ўзбекистон Республикасининг 2018 йил учун Давлат бюджети ва давлат мақсадли жамғармалари бюджетлари, шунингдек солиқ ва бюджет сиёсатининг асосий йўналишлари лойиҳалари 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ҳамда Ўзбекистон Республикаси Президентининг бошқа қарорлари ҳамда топшириқларига мувофиқлиги ўрганиб чиқилди, шунингдек назорат тадбирлари натижаларидан фойдаланилди.