Ҳалқаро ҳамкорлик

Ҳисоб палатаси БМТ лойиҳаларни амалга ошириш, ТАСИС, Жаҳон банки, Япониянинг халқаро ҳамкорлик агентлиги ва Япония тафтиш палатаси, Россия Федерацияси Ҳисоб палатаси ҳамда Шанхай ҳамкорлик ташкилотлари доирасида халқаро ҳамкорликни олиб боради. 

Шунингдек, ТАСИС гранти асосида халқаро мутахассис жалб этилиб, Ҳисоб палатаси регламенти ва Ҳисоб палатаси тўғрисидаги қонун лойиҳалари биргаликда тайёрланган.

Ҳисоб палатаси инспекторлари ИНТОСАИ ва АЗОСАИ лойиҳалари доирасида Европа ва Осиёда ўтказилган ўқув семинарларида иштирокчи ҳамда маърузачи сифатида қатнашган.

Япония ҳукуматининг дастурлари асосида, Ҳисоб палатаси инспекторлари 2004-2012 йиллар давомида бир ойлик тажриба алмашиш курсларида иштирок этиб халқаро тажрибани ўрганишган.

Ҳисоб палатаси Шанхай ҳамкорлик ташкилотларининг олий молиявий назорат органлари ишида фаол қатнашади.

Ўзбекистон Республикаси Ҳисоб палатаси ва Россия Федерацияси Ҳисоб палатаси ўртасида тажриба алмашиш борасида икки томонлама ўзаро ҳамкорлик ўрнатилган.

Халқаро алоқалар натижасида олинган тажриба ва билимлар Ҳисоб палатасининг иш фаолиятини такомиллаштириш, назоратнинг (дастлабки назорат) замонавий янада самарали усулларини тадбиқ этиш имконини берди.

2015 йилдан бошлаб Ҳисоб палатаси Корея халқаро ҳамкорлик ташкилоти (КОИКА) ва Корея Республикаси аудит ва нозирлик Кенгаши томонидан ташкил этилган “Давлат аудит бошқаруви” ўқув дастурида қатнашиб келмоқда.

Воқеалар

Воқеалар тақвими
Дш Сш Чш Пш Жм Шн Як
Фотогалерея