Mazkur tayinlov mamlakatimizda futzal sport turini yanada rivojlantirish, uning ommaviyligini oshirish, yoshlar o‘rtasida sog‘lom turmush tarzini keng targ‘ib qilish hamda sohani zamonaviy boshqaruv yondashuvlari asosida takomillashtirish yo‘lida amalga oshirilayotgan ishlarga munosib hissa qo‘shishi kutilmoqda.

Abdullayev Mehriddin Razzoqovich davlat boshqaruvi va moliyaviy nazorat sohasida ko‘p yillik amaliy tajribaga ega rahbar sifatida samarali faoliyat yuritib kelmoqda. Uning bilim va tajribasi O‘zbekiston futzal federatsiyasi faoliyatini yanada takomillashtirish, milliy futzalni yangi bosqichga olib chiqish hamda xalqaro maydondagi natijalarni mustahkamlashga xizmat qilishiga ishonch bildiriladi.

Hisob palatasi jamoasi Abdullayev Mehriddin Razzoqovichni ushbu mas’uliyatli lavozimga tayinlangani bilan samimiy muborakbod etadi hamda kelgusi faoliyatida ulkan muvaffaqiyatlar, yurtimiz futzalining ravnaqi yo‘lida yangi yutuqlar tilaydi.