Ma'lumot uchun: Birlashgan Vena Instituti mintaqaviy o‘quv markazi bo‘lib, Markaziy, Sharqiy va Janubi-Sharqiy Yevropa, Kavkaz va Markaziy Osiyo mamlakatlari bo‘yicha davlat sektori xodimlari uchun mo‘ljallangan. U 1992 yilda Avstriya hukumati, Xalqaro Valyuta Jamg‘armasi va boshqa bir qator xalqaro tashkilotlar tomonidan tashkil etilgan.

Vebinarda ta'kidlanganidek, raqamli pul vositalarining paydo bo‘lishi pullarning chiqarilishi va saqlanishini o‘zgartirmoqda. Bu raqobat pul suvereniteti va siyosati hamda moliyaviy barqarorlik uchun fundamental savollarni tug‘diradi. 

Tadbirda raqamli pul vositalarining saqlanishi, markaziy bank raqamli valyutalari, steyblkoynlar (kriptovalyuta), tokenlangan depozitlar va raqamli pullarning turli xil paydo bo‘layotgan shakllari makromoliyaviy nuqtai nazardan muhokama qilindi. Vebinar Yevropa Markaziy banki, Xalqaro valyuta jamg‘armasi hamda Qozog‘iston Milliy banki vakillari tomonidan o‘tkazildi.

Tadbirda JVI mintaqasidagi mamlakatlar uchun raqamli pul siyosatining foyda, xavf va oqibatlari ko‘rib chiqildi. Ekspertlar tomonidan mintaqadagi fintech (moliyaviy texnologiyalar) yetakchi bo‘lgan iqtisodiyot o‘zining raqamli aktivlar strategiyasini qanday rivojlantirayotgani misol tariqasida ko‘rib chiqildi.

Yevropa Markaziy banki va Xalqaro valyuta jamg‘armasi vakillari JVI mintaqasi va undan tashqaridagi iqtisodiyotlar uchun bevosita ahamiyatga ega bo‘lgan tushuncha va xulosalar bilan o‘rtoqlashdi.