2025 yilning sentyabr oyida O‘zbekiston Respublikasi Hisob palatasi raisining birinchi o‘rinbosari M. Abdullaev boshchiligidagi delegasiya Nankin Audit universitetida bo‘lib, ushbu dargoh professor-o‘qituvchilari bilan ilmiy uchrashuv bo‘lib o‘tdi. 

M. Abdullaevga audit va texnika sohalarida dolzarb ilmiy izlanishlar uchun Nankin Audit universitetining “faxriy professori” unvoni topshirildi. 

Qolaversa, tarixda ilk bor 2025-2027 o‘quv yillari uchun O‘zbekiston Hisob palatasining 2 nafar mas'ul xodimi – F. Masharipov va F. Najimov Nankin audit universitetining Audit bo‘yicha 2-yillik magistratura dasturi doirasida tahsil olishni boshladi. 

2026 yilning 30 mart kuni Xitoy Xalq Respublikasi Milliy auditi idorasi Bosh auditori Xou Kai Nankin audit universitetida tahsil olayotgan F. Masharipov va F. Najimovlar bilan uchrashdi.  

Uchrashuvda univesitetdagi o‘quv jarayonlari o‘zbekistonlik talabalar nigohida, Xitoyning davlat auditi tajribasini O‘zbekistonda izchil qo‘llash hamda ikki mamlakat Oliy audit idoralari o‘rtasidagi hamkorlikni kuchaytirish bo‘yicha fikr almashildi.

Uchrashuvda, shuningdek, Xou Kai Xitoy Milliy auditi idorasi O‘zbekiston Hisob palatasi bilan davlat auditining dolzarb yo‘nalishlarida hamda xodimlarning malakasini oshirish bo‘yicha hamkorlikni yanada kuchaytirish tarafdori ekanligini ta'kidladi. 

O‘zbekistonlik talabalar ham Xitoyning davlat auditi sohasidagi noyob tajribasini chuqur o‘rganib, uni O‘zbekiston amaliyotida qo‘llash va ikki idora o‘rtasidagi munosabatlar rivojiga o‘z hissasini qo‘shishga tayyor ekanligini bildirdilar.