Yig‘ilishda Hisob palatasi Davlat moliyaviy nazorati organlari va ichki audit xizmatlarining idoralararo masofaviy nazorat markazi jamoasi, Raqamli texnologiyalar vazirligi tegishli bo‘linmalari rahbarlari, Vazirlik huzuridagi agentlik, inspeksiya, muassasalar rahbarlari, ularning moliya masalalari bo‘yicha o‘rinbosarlari, ichki audit, korrupsiyaga qarshi komplaens-nazorati va boshqa mas'ul xodimlari ishtirok etishdi.

Yig‘ilishda aniqlangan kamchiliklarni bartaraf etish va ularni oldini olish yuzasidan chora-tadbir belgilab olindi.

Xususan, Iqtisodiyot va moliya vazirligi va uning tarmoq departamentlari bilan birgalikda qator yo‘nalishlarda byudjet qonunchiligini buzilishini profilaktikasiga alohida e'tibor qaratish ta'kidlandi. Xususan, byudjet tashkilotlarining ish haqi va unga tenglashtirilgan to‘lovlarni to‘g‘ri hisoblanishi, ijtimoiy va ishlab chiqarish infratuzilmasini rivojlantirish dasturiga kiritilgan obektlarda amalga oshirilgan qurilish ishlarini monitoring qilish masalalari shular jumlasidan.

Shuningdek, byudjet tizimi byudjetlardan to‘lanadigan subsidiyalarni manzilliligi va samaradorligini baholash, davlat xaridlari qonunchilikka rioya etilishini nazorat qilish, davlat qarzi va grantlar hisobiga amalga oshirilayotgan loyihalar natijadorligini o‘rganish, byudjet jarayonlari barcha bosqichlarida maqsadli va samarali foydalanishi yuzasidan nazoratni amalga oshirish lozimligiga alohida urg‘u berildi.