Muzokaralar davomida ushbu dasturning yangilangan moliyalashtirish mexanizmi, ya'ni dasturlarni avval davlat mablag‘lari hisobidan moliyalashtirib, erishilgan natijalarga qarab Jahon banki tomonidan kredit mablag‘larini jalb qilinishi yuzasidan fikr almashildi. 

Hisob palatasi mazkur yondashuvni ijobiy baholadi hamda uning shaffoflik, hisobdorlik va samaradorlikni oshirishga xizmat qilishini alohida ta'kidladi.

Hisob palatasi raisi o‘rinbosari S. Mirzaev o‘z nutqida ushbu mexanizm O‘zbekistonda amalga oshirilayotgan xalqaro standartlarga asoslangan audit tizimiga o‘tish jarayonlari bilan to‘liq uyg‘un ekanligini qayd etdi.

Xususan, so‘nggi yillarda Hisob palatasi faoliyatida samaradorlik, muvofiqlik va moliyaviy audit turlari joriy qilinganligi, masofaviy audit axborot tizimi ishga tushirilganligi, Hisob palatasi xodimlarining salohiyatini oshirishda amalga oshirilayotganligi ishlar hamda qator davlatlarning Hisob palatalari bilan xamkorlik kengayib borilayotganligi xaqida batafsil aytib o‘tildi.

Tomonlar bunday loyihalarni moliyalashtirish jarayonlarida hamkorlikda xalqaro standartlar asosida audit o‘tkazish masalasida ham kelishib oldi. Bu esa davlat moliyaviy nazorati samaradorligini yanada oshirishga xizmat qiladi.

Ushbu uchrashuv Jahon banki va Hisob palatasi o‘rtasidagi hamkorlikni mustahkamlash, davlat mablag‘larining oqilona va natijaga yo‘naltirilgan tarzda boshqarilishini ta'minlashga qaratilgan qadamlardan biridir.