Айни пайтда мамлакатимизнинг давлат молиявий назорати тизимида, шунингдек, ушбу соҳа учун замон талаблари даражасида етук мутахассисларни тайёрлаётган олий ўқув юртларида кўплаб фахрий устозларимиз тинимсиз меҳнат қилиб келмоқда. 

Давлатимиз молиявий соҳада сифат ва самарани таъминлашда Сизларга таянади. Сизлар чуқур билимингиз, ҳалол меҳнатингиз, салмоқли иш тажрибангиз билан соҳага файз ва маъно олиб кириб, барчамиз учун ибрат бўлиб келмоқдасиз.

Шунинг учун ҳам Устозларимизнинг жамиятимиздаги мақоми ва эҳтироми юксакдир.

Муҳтарам Устоз ва Мураббийлар!

Бутун билим ва тажрибангизни соҳамизнинг ривожи ва кадрларимизнинг салоҳияти учун бахшида этиб келаётган Сиз, азиз Устозларга, яна бир бор қалбимиз тубидан миннатдорлик билдирамиз. 

Шарафли ва масъулиятли фаолиятингизга куч-қувват, янги зафарлар, оилангизга эса файзу барака тилаб қоламиз. 

Шогирдларингиз Сизларга муносиб давомчилар бўлсин. Ҳамиша элимиз ардоғида бўлинг!

Юксак эҳтиром ила,

Ўзбекистон Республикаси Ҳисоб палатаси