Ҳисоботни ташқи аудит ва баҳолашдан ўтказиш Иқтисодиёт ва молия вазирлиги, Ғазначилик қўмитаси, Давлат солиқ қўмитаси, Давлат божхона қўмитаси, Марказий банк ҳамда бошқа тегишли ташкилотларнинг маълумотлари асосида амалга оширилди. 

Аудит якунлари бўйича Давлат бюджети ва давлат мақсадли жамғармалари бюджетларининг 2024 йилдаги ижроси тўғрисидаги ҳисоботи бўйича Ҳисоб палатасининг тегишли хулосаси тайёрланди.

Ўтказилган аудит ва баҳолаш якуни бўйича Ўзбекистон Республикаси Вазирлар Маҳкамасига Давлат бюджети ва давлат мақсадли жамғармалари бюджетларининг 2024 йилдаги ижроси тўғрисидаги ҳисоботларда аниқланган хато ва камчиликларни бартараф этган ҳолда тасдиқлаш учун Ўзбекистон Республикаси Олий Мажлиси палаталарига киритиш тавсия этилди.

Шу билан бирга Қорақалпоғистон Республикаси бюджетининг, вилоятлар ва Тошкент шаҳар маҳаллий бюджетларининг ижроси тўғрисидаги йиллик ҳисоботни ташқи аудитдан ўтказиш ва баҳолаш натижалари юзасидан тегишинча Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига хулосалар тақдим этилди.