Йиғилишда Ҳисоб палатаси Давлат молиявий назорати органлари ва ички аудит хизматларининг идоралараро масофавий назорат маркази жамоаси, Рақамли технологиялар вазирлиги тегишли бўлинмалари раҳбарлари, Вазирлик ҳузуридаги агентлик, инспекция, муассасалар раҳбарлари, уларнинг молия масалалари бўйича ўринбосарлари, ички аудит, коррупцияга қарши комплаенс-назорати ва бошқа масъул ходимлари иштирок этишди.

Йиғилишда аниқланган камчиликларни бартараф этиш ва уларни олдини олиш юзасидан чора-тадбир белгилаб олинди.

Хусусан, Иқтисодиёт ва молия вазирлиги ва унинг тармоқ департаментлари билан биргаликда қатор йўналишларда бюджет қонунчилигини бузилишини профилактикасига алоҳида эътибор қаратиш таъкидланди. Хусусан, бюджет ташкилотларининг иш ҳақи ва унга тенглаштирилган тўловларни тўғри ҳисобланиши, ижтимоий ва ишлаб чиқариш инфратузилмасини ривожлантириш дастурига киритилган обектларда амалга оширилган қурилиш ишларини мониторинг қилиш масалалари шулар жумласидан.

Шунингдек, бюджет тизими бюджетлардан тўланадиган субсидияларни манзиллилиги ва самарадорлигини баҳолаш, давлат харидлари қонунчиликка риоя этилишини назорат қилиш, давлат қарзи ва грантлар ҳисобига амалга оширилаётган лойиҳалар натижадорлигини ўрганиш, бюджет жараёнлари барча босқичларида мақсадли ва самарали фойдаланиши юзасидан назоратни амалга ошириш лозимлигига алоҳида урғу берилди.