Президент Қарши шаҳридан Шаҳрисабзга поездда борди. У ерда кўп тармоқли кардиология маркази фаолияти билан танишилди. Шаҳрисабз тумани Ҳисор тоғи ён бағридаги сайёҳлик салоҳияти ҳам тақдим этилди.

Давлатимиз раҳбари Шаҳрисабз туманидаги “Ҳисорак” сув омбори яқинида барпо этилган Ҳисорак кичик гидро электр станциясини ҳам кўздан кечирди.

Шу билан бирга, Президент Яккабоғ туманида барпо этилган “Янги Ўзбекистон” массивини бориб кўрди.

Сўнг Президент Шавкат Мирзиёев Кўкдала туманида 20 июнь куни Қашқадарё вилоятини ижтимоий-иқтисодий ривожлантириш чора-тадбирлари бўйича йиғилиш ўтказди. Президентимиз вилоятда улкан ўзгаришлар бўлаётгани, ислоҳотлар одамлар ҳаётига кириб бораётганини қайд этди.

Давлатимиз раҳбари вилоятни ҳар томонлама ривожлантириш бўйича қўшимча имкониятларни кўрсатиб ўтди.