Unda dunyoning ko‘plab davlatlari Oliy audit organlarida davlat qurilish ishlarining auditi bo‘yicha javobgar bo‘lgan vakillar ishtirok etdi. Tadbirda O‘zbekiston Hisob palatasi mas'ul xodimi Sh.Soliev qatnashdi.

Ma'lumot o‘rnida: So‘nggi yillarda O‘zbekiston Hisob palatasi va Yaponiya Audit kengashi o‘rtasidagi munosabatlar jadal sur'atlar bilan rivojlanib kelmoqda. 2024 yilning iyun' oyida Hisob palatasi raisining birinchi o‘rinbosari M. Abdullaev boshchiligidagi delegasiyaning Tokioga tashrifi ikki idora o‘rtasidagi munosabatlarni yangi darajaga olib chiqdi.

Dastur doirasida Yaponiya Audit kengashining tajribali auditorlari tomonidan qurilish auditiga oid 16 ta dolzarb mavzu bo‘yicha intensiv treninglar o‘tkazildi.

Nazariy muhokamalar Kengash qoshidagi Gunma prefekturasida joylashgan Annaka o‘quv markazida amaliy mashg‘ulotlar bilan to‘ldirildi. 

“NEXCO-East Engineering” kompaniyasining o‘quv markazi va Surumi daryosidagi suvni saqlash havzasi kabi bir nechta ob'ektlarga tashrif buyurildi.

Audit hisobotlarining shaffofligini ta'minlash, audit jarayonidagi tizimli qiyinchiliklarni bartaraf etish masalalari yuzasidan ilmiy-amaliy muhokamalar o‘tkazildi.

Ishtirokchilar davlat qurilish ishlarining auditi bo‘yicha yangi ilg‘or tushunchalarga ega bo‘lib, yapon mutaxassislari bilan faol fikr almashidilar. Samaradorlik auditini o‘tkazish bo‘yicha yaponiyalik auditorlar tomonidan malakali tavsiyalar berildi.

Dasturni muvaffaqiyatli yakunlagan ishtirokchilarga tashkilotchilar tomonidan sertifikatlar taqdim etildi.