Қурбон ҳайити — меҳр-оқибат, саховат ва бағрикенглик фазилатлари янада юксаладиган, инсон қалби покланиб, эзгу амалларга интилиш кучаядиган улуғ айёмдир.

Ушбу муборак кунларда юртдошларимиз ўртасидаги ўзаро ҳурмат ва меҳр-оқибат янада мустаҳкамланиб, жамиятимизда ҳамжиҳатлик ва тотувлик муҳити янада қарор топмоқда.

Бугунги кунда юртимизда инсон манфаатларини улуғлаш, ижтимоий адолатни таъминлаш, аҳолининг фаровонлигини ошириш борасида амалга оширилаётган кенг кўламли ислоҳотлар ана шундай эзгу қадриятлар билан ҳамоҳангдир.

Ҳисоб палатаси жамоаси ҳам давлат молиявий назоратини самарали ташкил этиш, бюджет маблағларининг оқилона ва мақсадли сарфланишини таъминлаш орқали халқимиз фаровонлигига хизмат қилишни ўзининг муҳим вазифаси деб билади.

Ушбу қутлуғ айём муносабати билан Сизларга мустаҳкам соғлиқ, хонадонларингизга тинчлик-тотувлик, файзу барака, меҳр-оқибат ва бахт-саодат тилаймиз.

Юртимиз тинч, осмонимиз мусаффо, қалбларимиз меҳрга тўлсин!

Қурбон ҳайити муборак бўлсин!

Ҳурмат билан,

Ўзбекистон Республикаси Ҳисоб палатаси жамоаси